الأحد، 27 يونيو 2010

السلام عليكم

طبعا بخبركم بخبر سيء اولشي، فـ يوم الجمعة في الليل استقبلنا كطلاب جامعة دلمون مسجات تنبأ بوفاة طالب من الجامعة، طبعاً هو شاب معروف لكثرة تواجده بالاحتفالات، وتوفى من جراء حادث مروري مروع، وشيء مؤلم تحس بوداع طالب معاك بالجامعة، الله يرحمه ويخلد روحه الجنة ..

الشي الثاني ان منتدى الجامعة امتلأ بالحزن، بصور الحادث وصورته وكلمات الترحم، الشي الي يعجبني وما يعجبني انهم وضعوا صوت في واجهة المنتدى، والله يحفظكم ويحفظ الجميع هذا الصوت كله نسمعه في بني جمرة من المغيسل، وهو حزين جداً جداً، وعلى العموم هذا الصوت لقارئ من العراق، وكل ما نطلب من ادارة المغيسل يخلون عبد الباسط عبد الصمد ما يرضون وعلتهم ( السبب ) انه اذا خليناه الناس ما تدري ان هذا من المغيسل الصوت او ما تدري ان هذا واحد متوفي ! وطبعا جتهم ايام خلوه بس ردوا رجعوا على القديم ..

والله يحفظكم هالصوت ما تغير من 20 سنة ، المراد ، الصوتية تتبدل في واجهة المنتدى لكن في بدايتها اغلقت الصوت لانه جعلني اشعر بالحزن والكآبة التي احتفظت في نفسياتنا عند سماع صوت هذا القارئ .. اسمه الدليمي !

المهم .. رحمة الله على الشاب ورحمة الله على جميع الشباب وجميع المؤمنين والمؤمنات ..
ووصية للي يدربون سياقة والي عندهم لياسن ارجوكم شوارع البحرين ضيقة والله والله ما تسوى السرعة ، انا صراحة قمت اجوّد السيد اليمين اشرف لي واريح وكلنا بنوصل مكان الي نبي في اوقات قياسية ! ..

وسلامات .. والله يرحم السابقين ويحفظ الباقين ويغفر لهم

إرسال تعليق